Geoatariak:

        Informazio funtzionala geoerreferentziatuta herritarraren esku jartzeko aukera ematen du geoatari batek. Teknologia hau software libreko aplikazioekin gara daiteke eta herritar nahiz bisitariei herriko zenbait datu bistaratzeko aukera eman diezaieke: enpresa eta establezimenduak, ekipamenduak. Horiek denak non dauden lokalizatzen lagundu eta autonomia maila handiz kudeatu daiteke,  lizentziarik ordaindu beharrik izan gabe.

       Geoatariak gai anitzen inguruan gara daitezke, esaterako:

  •         Behatoki sozioekonomikoa: udalerri baten errealitate sozioekonomikoa ezagutzeko tresna da eta demografia, lan merkatua, ekonomia, gizarte zerbitzuen kokapena… bezalako adierazleen bitartez udalerriaren argazki eguneratu bat atera daiteke. Hala, egungo egoera ulertu eta etorkizunean udalerriak izan ditzakeen beharrak aurreikusteko balio du.
  •         Enpresa bilatzailea: enpresak lokalizatzeko eta informazioa kontsultatzeko bistaratzailea.
  •         Turismo bistaratzailea: herriko baliabide turistiko eta ekipamenduak lokalizatzeko eta informazioa kontsultatzeko.

        Udal atlasak:

        Udal atlasak udalerriaren datu sozio-ekonomikoak erakusten ditu gune interaktibo desberdinez osatutako aplikazio batean: mapak, grafikak... Elementu hauek guztiek Udalerriaren (udalerri azpitiko zehaztasunaz, sekzio zentsalka) eta inguruaren (bere eskualde estadistikoa) informazioa bistaratzeko aukera ematen dute. Atlasak geolokalizatutako datuen komunikazio bisuala hobetzen du GISaren eta analisi estatistikoaren uztarketa eginez. Informazio sozio-ekonomikoa iturri ofizialeko adierazle zerrenda batez ematen da, azken eguneraketekin. Gainera, urtetik urtera berritu daitezke, historikoak sortu eta adierazle zerrenda gutxinaka osa daiteke.

 

Arrasateko Udal Atlasa