Metabolismo demografikoaren eta etxebizitza beharren azterketa egin du Gislanek Amasa-Villabonako Udalarentzat. Azterlanari esker, etxebizitzaren arloko problematiken ezaugarriak xehatu eta erradiografia aktuala egiteaz harago, etorkizuneko erronkei erantzungo dieten etxebizitza politika desberdinak diseinatzeko informazio baliagarria eskuratu du udalak.

Udalerriko informazio geografikoa eguneratzearekin batera, Ondarroako mapa interaktiboa, mapa toponimikoa eta mapa turistiko berriak egin ditu Gislanek, udalarekin, Eusko Jaurlaritzarekin eta Euskaltzaindiarekin lankidetzan.

Oñatiko Udalak udalerriko industria eraikinen azterketa egin du. Hirigintza departamenduak industria eremuetako partzela hutsak identifikatu ostean, Gislanek datuen kontrastea egin eta geodatabasea osatu du. Horrekin batera udal teknikariek establezimendu industrialen informazioa online kontsultatzeko bisore kartografikoa eraiki du datu berrituekin.